02.- El exemplum y el milagro europeos

2.2.2.4.- El Niño Jesús secuestrado

2.2.2.4.2.- Versiones españolas

2.2.2.4.2.3.- Gil de Zamora: Liber Mariae

31. Tract. XVI, cap. 3, mir. 2; fol, 133 r., v.

Miraculum secundum tercii tractatus de liberatis a captivitateest de quadam matre, que filium reduxit liberum de captione.
Apud sanctum richarium in ponti[a]co, qui vicus est in pago ambianensi, cuidam feneratori et nimis amaro exactori filium suum quedam nobilis femina, sed tunc eris egens, tradiderat in vadem pro multis marcis argenti. Et dum multiplicantur dies, summa usure crescebat. Unde accidit ut, nisi terram venderent, puer ille a parentibus non valleret. Tunc mater, cuius alcior precordiis doloris sensus inheserat, omni humana ope destituta et desperata, contulit se ad divinum auxilium, et ad propiciam matrem misericordie, que spiritus contrictos exaudire solita est. Una ergo dierum, stimulante et in nullo remittente materno dolore, coacta est adire ubi filius ejus in custodia et vinculis tenebatur, ut saltem recrearet miseros oculos super visione filii sui, qui penas luebat necessitatis paterne. Veniens igitur ad sanctum Richarium, quod oppidum a frequentibus populis inhabitabatur, repente invenit filium suum in media platea, bonis tamen ferreis ad modulum suum ob custodiam illigatum. Quem in conspectu populi assumpsit, et tamen nullo prohibente, nullo obsistente, levatum in equm secum revexit. Quantum gaudium, quantam leticiam egerit, quales gracias reddiderit benefactrici sue gloriose virgini, veniens ad domum suam in anxietate spiritus et humiliato corpore, non est facile dictu.

Fidel Fita:
“50 leyendas por Gil de Zamora, combinadas con las Cantigas de Alfonso X el Sabio”
Boletín de la Real Academia de la Historia, nº 7, 1885-2