02.- El exemplum y el milagro europeos

2.2.1.3.2.- El ladrón devoto

2.2.1.3.2.0.- Fuente latina

(Ms. Thot 128, Biblioteca Real de Copenhague)

De fure suspenso quem beata Virgo liberavit

Sicut exposuit Gregorius pappa de septem stellis pliadibus, que se quidem non contingunt et tamen lucis sue radiis ostendum pariter, sic plures in mundo religiosi viri diversis extitere temporibus, qui Deo et Sanctissime Matri eius simile devocione in una eademque virtute placere studuerunt. Quos aliqui imitantes meritis multo inferiores, meritis eiusdem sancte Virginis sepius erepti sunt a penis tam anime quam corporis. Unde nulli sit dubium quod referimus in diversis non dissimile miraculum.
Fur erat qui vocabatur Ebbo. Multociens res alienas rapiebat aliorumque substanciis furtim ablatis tam se quam suos alebat. Attamen sanctam Dei genitricem venerebatur ex corde et eciam dum ad latrocinandum pergeret, exorando salutabat eam devotissime. Contigit autem quadam die dum quedam non sua furaretur, ut subito ab inimicis suis comprehenderetur. Qui cum se a reatu purgare nequiret, iudicio arbitrum decretum est ut laqueo appensus vitam finiret. Ductus est namque ad laqueus sine miseracione ulla, ut suspenderetur absque mora. Cumque eo suspenso iam pedes eius in aere penderent, ecce sancta Virgoin auxilium ei veniens, per triduum eum, ut sibi videbatur, suis sanctis manibus sustentavit, nec aliquam lesionem pati permisit. Illi vero qui eum suspenderunt, cum ad locum illum unde paulo ante discesserant ubi ille pendebat redissent et vidissent eum viventem et vultu hylari quasi nil mali pacientem, putaverunt eum non plene laquo innexum et protinus ascendentes dum guttur eius vellent transfigere, iterum sancta Virgo manus suas gutturi eius apposuit nec transfigi permisit. Cognoscentes vero illi eo referente quod sancta Virgo auxiliaretur ei, valde mirati illum deposuerunt et amore Dei et eius genitricis liberum abire dimiserunt, qui abiens factus est monachus et quoad vixit, Deo et eius genitrici servivit.

Berceo: Los milagros de Nuestra Señora.
Estudio y ed. crítica de Brian Dutton
Tamesis books London 71