2.2.1.2.2.- Versiones españolas
2.2.1.2.2.1.- Gil de Zamora: Liber Mariae
43. Tract. XVI, cap. 5, mir.
9; fol. 152 v.,153 r.
Miraculum nonum qinti tractatus
est de clerico qui uxorem et omnia reliquit propter beatam virginem.
In territorio civitatis, que dicitur pisa, ert quidam clericus
ecclesie sancti cassiani canonicus. Hic angelorum et mundi regine
servicium devota mente reddebat, horasque diei que tunc temporis
a paucissimis dicebantur in eius honorem sedule decantabat.
Cuius genitores, cum morte interveniente ex hac luce migravissent,
qui nobiles et divites fuerant, dimiserunt ei amplias divicias,
quia preter eum alium non habebant heredem.
Venientes autem amici ejus ad eum insistebant ut rediret ad
propria, et uxorem ducens bonorumcuram generet paternorum. Qui
prebens assensum, cum illis abiit. Et veniens ad possessionem
parentum suorum, uxorem ducere constituit. Inter hec vero cepit
negligenter circa virginis officium se habere.quadam vero die,
cum ad celebrandas nupcias coniugis, quam sibi elegerat, tenderet
in itinere, devenit ad quandam eccesiam; et recordatus servicii
soliti, rogavit ut eum paululum expectarent, dicens se velle
ad ecclesiam illam orandi gracia pergere. Ingressus itaque ecclesiam
cepit horas sancte maria devota mente cantare. Cumque socii
ejus moverent eum ut acceleraret gressum, moveri noluit donec
horas expleret. Adhuc autem in ecclesia eo persistente, apparuit
ei sancta dei genitrix, et ei serena voce dixit: O stultissime
hominum, cur me dereliquisti? Cum amica tua essem, illaqueatus
alterius amore, numquid alteram invenisti meliorem? Moneo te
ne me derelinquas; ne, me contempta, alteram in uxorem ducas.
Qui his verbis nimis territus ad socios rediit, simulans se
veraciter uxorem ducere. Itaque ex mori nupcias celebrarunt
cum grandi laetitia. Nocte, vero sequenti ingressus cubiculum
cum uxore, ignorantibus cunctis, clam domum egressus, tam uxorem
quam omnia que habere potuit dereliquit. Quo vero abierit et
quo fine discesserit, hactenus sciri non potuit. Nemo tamen
ambigeredicitur quod ipsius sancte celi regine sit protectus
usque in finem munimine, pro qua siquidem hortante totum mundum
statuit relinquere, Deo opitulante, cui honor et gloria in secula
seculorum, amen.
42. Tract. XVI, cap. 5, mir. 15; fol. 159 r., v.
Miraculum XV quinti tractatus
est de clerico quem ab amore cujusdam mulieris virgo beatissima
liberavit.
Presul quidam habebat clericum, quem amabat et fovebat sicut
suum filium; quia illi velut patri serviebat humiliter, et quia
christo ut decebat serviebat fideliter, et marie matri ihesu
diebus ac noctibus precinebat horas suas dulciter ac devote.
Sed antiquus inimicus sathanas hunc ut vidit, mox invidit; et
insidias quibus illum posset secum ducere sd tartara preparavit,
immittens in eius animam amorem cuiusdam virginis generose.
Cuius nupciis optatis ut libere frui posset, demones arte nigromantica
invocavit ut eidem ferrent auxilium, vovens se voluntatem eorum
facturum, excepto quod dei servitium non relinqueret, nec horas
almiflue matris sue. Accepto igitur ab eo huiuscemodi iuramento,
demones in amorem clerici puellam adeo inflammarunt quod ipsa
palam coram parentibus affirmavit nulli preterquam illi clerico
se nupturam. Quod cernentes ipsius parentes, involuntarii puellam
coram episcopo tradunt clerico in uxorem.
Nupcialibus autem conviviis, sicut est communis consuetudinis,
preparatis, dum sponsus assistentibus invocatis manus ablueret,
none beate virginis recordatur. Et secedens in quamdam capellam,
ut predictas horas psalleret prostratus coram altari, dum nonam
diceret, obdormivit. Et ecce apparuit sibi desuper valde tristis
et irata regina beatissima, dicens ei si agnosceret vultum
eius. Et respondente quod non; intulit alma Virgo:
Ego sum illa, cujus nonam psallere incepisti; sed nimis
indignor quod, me repudiata, sponsam aliam induxisti; nec tamen
hoc impune feres. Perterritus autem sponsus cum in visione
illam misericordiam proclamaret, et sponsam carnalem se relicturum
penitus adiuraret; respondit dulcissima christi mater: Si
hoc egeris, mea gratia tecum erit. Et his dictis recedens
virgo sanctissima, sponsus perterritus vigilavit, et visionem
narrans episcopo, et peccatum confitens et divortium suscipiens,
totum tempus suum dedicavit almiflue christi matri, que sibi
ante mortem apparuit, [et] ad celeste solium secum duxit, cum
quo vivit et regnat in secula seculorum, amen.
Fidel Fita:
“50 leyendas por Gil de Zamora, combinadas con las Cantigas
de Alfonso X el Sabio”
Boletín de la Real Academia de la Historia,
nº 7, 1885-2